0 
0 
નડિયાદ સ્થિત માતૃછાયા અનાથ આશ્રમ ખાતે બાળ કલ્યાણ સમિતિ–નડિયાદ (ખેડા), શ્રી સરદાર સેવા સંગઠન અને માતૃછાયા અનાથ આશ્રમના સંયુક્ત ઉપક્રમે નિઃશુલ્ક આંખ તપાસ કેમ્પનું આયોજન કરવામાં આવ્યું હતું. આ કેમ્પમાં ૧૩૭થી વધુ લોકોએ આંખોની નિઃશુલ્ક તપાસ કરાવી હતી.
કેમ્પ દરમિયાન તબીબોએ ઉપસ્થિત લોકોને આંખોના સ્વાસ્થ્ય અંગે જરૂરી માર્ગદર્શન પૂરું પાડ્યું હતું. સાથે જ આંખોની યોગ્ય સંભાળ રાખવા અને આંખો સંબંધિત સમસ્યાઓ પ્રત્યે જાગૃત રહેવા અંગે આરોગ્યલક્ષી માહિતી આપવામાં આવી હતી.
સમાજના જરૂરિયાતમંદ લોકો સુધી નિઃશુલ્ક આરોગ્યસેવાઓ પહોંચાડવાના હેતુથી યોજાયેલા આ કેમ્પને સ્થાનિક લોકોનો સારો પ્રતિસાદ મળ્યો હતો. કેમ્પના આયોજન અને વ્યવસ્થામાં માતૃછાયા અનાથ આશ્રમ, હિન્દુ અનાથ આશ્રમ સહિત વિવિધ સંસ્થાઓના પ્રતિનિધિઓએ સહયોગ આપ્યો હતો.
આ પ્રસંગે અંધજન મંડળના પ્રમુખ ભાસ્કરભાઈ, નિરાંત સેવાશ્રમના પ્રતિનિધિઓ, શ્રી સરદાર સેવા સંગઠનના પ્રમુખ બીપીનભાઈ તેમજ બાળ કલ્યાણ સમિતિના સભ્યો અમિતભાઈ સોની, નીરજભાઈ ગોયલ અને કૃતિબેન સહિતના મહાનુભાવો ઉપસ્થિત રહ્યા હતા.
