0 
0 
દાહોદ, તા. ૩ ઓક્ટોબર, ૨૦૨૬:
દાહોદ તાલુકાના રેંટિયા ગામે આજે સેવાસેતુ ૨.૧ ગ્રામ્ય કાર્યક્રમ અંતર્ગત પશુ આરોગ્ય મેળા કેમ્પનું આયોજન કરવામાં આવ્યું હતું.
પશુપાલકોને તેમના પશુઓના આરોગ્ય અંગે જરૂરી સારવાર અને માર્ગદર્શન સ્થાનિક સ્તરે મળી રહે તે હેતુથી યોજાયેલા આ કેમ્પનું ઉદ્ઘાટન સાંસદ જશવંતસિંહ ભાભોર તથા ધારાસભ્ય કનૈયાલાલ કિશોરીના હસ્તે કરવામાં આવ્યું હતું.
આ પ્રસંગે સાંસદ અને ધારાસભ્યશ્રીએ પશુપાલકો સાથે સંવાદ કરી પશુ આરોગ્યની જાળવણી તેમજ પશુપાલન ક્ષેત્રે ઉપલબ્ધ સરકારી સેવાઓ અને યોજનાઓનો લાભ લેવા અંગે માર્ગદર્શન આપ્યું હતું.
કાર્યક્રમમાં પ્રાંત અધિકારી દાહોદ, મામલતદારશ્રી દાહોદ, તાલુકા વિકાસ અધિકારી દાહોદ, રેંટિયા ગામના સરપંચ સહિત વિવિધ વિભાગોના અધિકારી-કર્મચારીઓ, પદાધિકારીઓ અને ગ્રામજનો ઉપસ્થિત રહ્યા હતા.
સેવાસેતુ ૨.૧ ગ્રામ્ય કાર્યક્રમ અંતર્ગત યોજાયેલા આ પશુ આરોગ્ય મેળાથી રેંટિયા તથા આસપાસના વિસ્તારના પશુપાલકોને પશુ આરોગ્ય સંબંધિત સેવાઓનો લાભ સ્થાનિક સ્તરે મળી રહ્યો છે.
