0 
0 
દાહોદ ઘટક–૪ અંતર્ગત આવેલ રેંટિયા–૨ આંગણવાડી કેન્દ્ર ખાતે “આંગણ ઉત્સવ” કાર્યક્રમનું આયોજન કરવામાં આવ્યું હતું. આ પ્રસંગે સાંસદ જસવંતસિંહ ભાભોર, ધારાસભ્ય કનૈયાલાલ કિશોરી તથા જિલ્લા પ્રોગ્રામ ઓફિસર ડો. સુધીર જોશી ઉપસ્થિત રહી કાર્યક્રમની શોભા વધારી હતી.
કાર્યક્રમ દરમિયાન આંગણવાડી કેન્દ્ર ખાતે બાળકો માટે આયોજિત વિવિધ શૈક્ષણિક, સર્જનાત્મક અને પોષણલક્ષી પ્રવૃત્તિઓનું નિરીક્ષણ કરવામાં આવ્યું હતું તેમજ બાળકો સાથે સંવાદ કરી તેમનો ઉત્સાહ વધારવામાં આવ્યો હતો.
આ પ્રસંગે ૩૦ આંગણવાડી કાર્યકર બહેનો તથા ૩૦ તેડાગર બહેનો, એમ કુલ ૬૦ બહેનોનું સાંસદ જસવંતસિંહ ભાભોર સાહેબ દ્વારા શાલ ઓઢાડી સન્માન કરવામાં આવ્યું હતું. આ સન્માન દ્વારા આંગણવાડી કાર્યકરો તથા તેડાગર બહેનોની સેવાભાવનાને બિરદાવવામાં આવી હતી.
કાર્યક્રમમાં દાહોદ ઘટક–૪ના સીડીપીઓશ્રી રીટાબેન ભાભોર, મુખ્ય સેવિકા જીજ્ઞાસાબેન પટેલ, NNM પ્રદીપભાઈ રાઠોડ તથા બ્લોક ન્યુટ્રિશન મેનેજર પ્રિયાંશુ બારીઆ ઉપસ્થિત રહ્યા હતા.
આંગણ ઉત્સવ કાર્યક્રમને સફળ બનાવવા માટે દાહોદ ઘટક–૪ના આંગણવાડી કાર્યકરો, તેડાગર બહેનો તથા સમગ્ર સ્ટાફ દ્વારા સુંદર આયોજન અને વ્યવસ્થા કરવામાં આવી હતી.
