0 
0 
દાહોદ જિલ્લાના દેવગઢ બારિયા તાલુકાના સાલિયા ગામે ધારાસભ્ય શ્રી બચુભાઈ ખાબડના અધ્યક્ષસ્થાને સેવાસેતુ કાર્યક્રમ યોજાયો હતો. કાર્યક્રમ દરમિયાન ગ્રામજનોને સરકારની વિવિધ લોકકલ્યાણકારી યોજનાઓ અને સેવાઓનો લાભ એક જ સ્થળેથી મળી રહે તે માટે વિવિધ વિભાગો દ્વારા સેવાઓ પૂરી પાડવામાં આવી હતી. આ પ્રસંગે ગ્રામજનો દ્વારા વિવિધ પ્રશ્નો અને રજૂઆતો કરવામાં આવી હતી, જેનું સંબંધિત વિભાગોના અધિકારીઓ દ્વારા સ્થળ પર જ નિરાકરણ લાવવાનો પ્રયાસ કરવામાં આવ્યો હતો.
ધારાસભ્ય બચુભાઈ ખાબડે સરકારની જનકલ્યાણલક્ષી યોજનાઓનો મહત્તમ લાભ ગ્રામ્ય વિસ્તારના નાગરિકો સુધી પહોંચે અને કોઈપણ પાત્ર લાભાર્થી યોજનાના લાભથી વંચિત ન રહે તે માટે અધિકારીઓને જરૂરી માર્ગદર્શન આપ્યું હતું. કાર્યક્રમમાં મામલતદાર સમીર પટેલ, સહિત અન્ય મહાનુભાવો તેમજ મોટી સંખ્યામાં ગ્રામજનો, અધિકારીઓ, કર્મચારીઓ તથા સ્થાનિક આગેવાનો ઉપસ્થિત રહ્યા હતા.
